ცხენისწყალსგაღმა
იღვიძებენ როდესაც მსხლები
როცა ტყემლები ირთვებიან
პატარძლებივით,
ვის რად სჭირდება,
ნეტავ, ამ დროს
ამხელა მსხვერპლი,
- ამ დროს ქალაქში,
გულო ჩემო, რა გვაძლებინებს?!.
ის დროა ახლა -
იქ, ეზოში, ხეხილსა ვრგავდეთ,
ვაზს ვსხლავდეთ უნდა,
- გაიღვიძებს დღე-დღეზე ვაზი...
იტირებს მერე,
მიყუჩებულს აგვიშლის დარდებს...
ჩამოჰყრის ცრემლებს,
ზეაიწევს მზე როცა ცაზე...
შუშისთვალება მოლოდინიც
ბებერი ოდის,
აქედანვე ვგრძნობ -
მოუთმენლად გზას როგორ გაჰმზერს...
მზის შესახვედრად
გაზაფხული როდესაც მოდის,
ამ დროს ქალაქში,
გულო ჩემო,
რა გვაძლებინებს?!.
როცა მარტვილი
მზით განბანილს
გასცქერის ოდიშს
და სანახები
ირთვებიან პატარძლებივით...
1972 წ.
იღვიძებენ როდესაც მსხლები
როცა ტყემლები ირთვებიან
პატარძლებივით,
ვის რად სჭირდება,
ნეტავ, ამ დროს
ამხელა მსხვერპლი,
- ამ დროს ქალაქში,
გულო ჩემო, რა გვაძლებინებს?!.
ის დროა ახლა -
იქ, ეზოში, ხეხილსა ვრგავდეთ,
ვაზს ვსხლავდეთ უნდა,
- გაიღვიძებს დღე-დღეზე ვაზი...
იტირებს მერე,
მიყუჩებულს აგვიშლის დარდებს...
ჩამოჰყრის ცრემლებს,
ზეაიწევს მზე როცა ცაზე...
შუშისთვალება მოლოდინიც
ბებერი ოდის,
აქედანვე ვგრძნობ -
მოუთმენლად გზას როგორ გაჰმზერს...
მზის შესახვედრად
გაზაფხული როდესაც მოდის,
ამ დროს ქალაქში,
გულო ჩემო,
რა გვაძლებინებს?!.
როცა მარტვილი
მზით განბანილს
გასცქერის ოდიშს
და სანახები
ირთვებიან პატარძლებივით...
1972 წ.
No comments:
Post a Comment